A Formación Profesional segue medrando en interese entre o alumnado galego. Na primeira adxudicación de prazas, preto do 60% dos ciclos xa están completos. Os ciclos da familia de Sanidade son os máis demandados, destacando o de Laboratorio Clínico e Biomédico en Lugo, cunha nota de corte de 8,45.

Este ano superouse un novo récord con máis de 56.000 solicitudes para acceder á FP. As titulacións sanitarias esgotaron as súas prazas xa dende a primeira rolda. O alumnado ten ata o 18 de xullo para renunciar á súa praza e intentar acceder a outra mellor.

Aínda así, quedan prazas libres no 44,4% dos ciclos de grao medio e no 39,5% dos de grao superior. O notable incremento da demanda levou á Xunta a anunciar medidas para fortalecer a FP no marco do Plan FP Galicia 2030.