Hoxe o alumnado do ciclo de Desenvolvemento de Aplicacións Multiplataforma (DAM) do CPR CEBEM asistiu á Xornada de Portas Abertas “Conecta con atlanTTic”, organizada polo Centro de Investigación en Tecnoloxías da Información e as Comunicacións da Universidade de Vigo.

Durante a visita, os estudantes puideron coñecer de primeira man algúns dos proxectos máis innovadores que se están a desenvolver en campos como a intelixencia artificial, a robótica, a visión por computador, os sistemas IoT, as comunicacións avanzadas e as tecnoloxías aplicadas á saúde. O equipo investigador de atlanTTic mostrou diferentes demostradores e explicou as liñas de traballo que están marcando o futuro tecnolóxico en Galicia.

A experiencia resultou moi enriquecedora para o alumnado, que tivo a oportunidade de achegarse ao ámbito da investigación universitaria e descubrir novas posibilidades profesionais no sector tecnolóxico.

https://www.youtube.com/watch?v=ruZ9ln5fgzE