Os obxetivos xeráis do ciclo formativo de grado medio de Actividades Comerciais son os siguintes:
1. Reunir as iniciativas emprendedoras e buscar as oportunidades de creación de pequenos negocios comerciais polo miúdo, valorando o impacto sobre o ámbito de actuación e incorporando valores éticos, para realizar proxectos de viabilidade de implantación por conta propia de negocios comerciais polo miúdo.
2. Delimitar as características e a contía dos recursos económicos necesarios, atendendo ás características da tenda e dos produtos ofrecidos, para a posta en marcha dun pequeno negocio polo miúdo.
3. Analizar operacións de compravenda e de cobramento e pagamento, utilizando medios convencionais ou electrónicos, para administrar e xestionar un pequeno establecemento comercial.
4. Comparar e avaliar pedidos da clientela a través de diferentes canais de comercialización, satisfacendo as súas necesidades de produtos e/ou servizos, para realizar a venda destes.
5. Identificar os procesos de seguimento e posvenda, atendendo e resolvendo as reclamacións presentadas pola clientela, para realizar a venda de produtos e/ou servizos.
6. Recoñecer as tarefas de recepción, colocación e expedición de mercadorías no almacén, asignando medios materiais e humanos, controlando os stocks de mercadorías e aplicando a normativa en materia de seguridade e hixiene, para organizar as operacións de almacenaxe das mercadorías.
7. Recoller e procesar datos de previsións de demanda e compras a provedores/as, utilizando tecnoloxías da información e da comunicación, para garantir o aprovisionamento do pequeno negocio.
8. Identificar e elixir os/as mellores provedores/as e/ou subministradores/as, negociando as ofertas e as condicións de subministración, para realizar as compras necesarias que manteñan o nivel de servizo establecido en función da demanda da clientela ou das persoas consumidoras.
9. Crear imaxe de tenda, combinando os elementos exteriores e interiores do establecemento comercial con criterios comerciais, para realizar actividades de animación do punto de venda en establecementos dedicados á comercialización de produtos e/ou servizos.
10. Analizar as políticas de venda e fidelización da clientela, organizando a exposición e a promoción do surtido, para realizar actividades de animación do punto de venda en establecementos dedicados á comercialización de produtos e/ou servizos.
11. Seleccionar datos, introducilos na páxina web da empresa e realizar o seu mantemento, buscando un bo posicionamento, facilidade de uso e máxima capacidade de persuasión, para realizar accións de comercio electrónico.
12. Fomentar as relacións con outras persoas usuarias da rede, utilizando estratexias de márketing dixital nas redes sociais, para realizar accións de comercio electrónico.
13. Recoñecer as características dos programas informáticos utilizados frecuentemente no sector comercial, confeccionando documentos e materiais informáticos, para realizar a xestión comercial e administrativa do establecemento comercial.
14. Identificar o mercado e a contorna da empresa comercial, obtendo e organizando a información dos axentes que interveñen no proceso comercial e aplicando políticas de márketing apropiadas, para executar as accións de márketing definidas pola organización comercial no plan de márketing.
15. Seleccionar accións de información á clientela e asesorala con dilixencia e cortesía, xestionando, se é o caso, as queixas e reclamacións presentadas, para executar os plans de atención á clientela.
16. Determinar as características diferenciadoras de cada subsector comercial, ofrecendo os produtos e/ou servizos mediante técnicas de márketing apropiadas, para realizar vendas especializadas de produtos e/ou servizos.
17. Identificar expresións e regras de comunicación en inglés, tanto de forma oral como escrita, para xestionar en inglés as relacións coa clientela e coas persoas usuarias ou consumidoras.
18. Analizar e utilizar os recursos existentes para a aprendizaxe ao longo da vida e as tecnoloxías da información e da comunicación para aprender e actualizar os seus coñecementos, recoñecendo as posibilidades de mellora profesional e persoal, para adaptarse ás situacións profesionais e laborais.
19. Desenvolver traballos en equipo e valorar a súa organización, participando con tolerancia e respecto, e tomar decisións colectivas ou individuais, para actuar con responsabilidade e autonomía.
20. Adoptar e valorar solucións creativas ante problemas e continxencias que se presenten no desenvolvemento dos procesos de traballo, para solucionar de maneira responsable os incidentes da súa actividade.
21. Aplicar técnicas de comunicación, adaptándose aos contidos que se vaian transmitir, á súa finalidade e ás características das persoas receptoras, para asegurar a eficacia do proceso.
22. Analizar os riscos ambientais e laborais asociados á actividade profesional, e relacionalos coas súas causas, coa fin de fundamentar as medidas preventivas que se vaian adoptar, e aplicar os protocolos correspondentes para evitar danos propios, nas demais persoas, no entorno e no medio ambiente.
23. Analizar e aplicar as técnicas necesarias para dar resposta á accesibilidade e ao deseño universal.
24. Aplicar e analizar as técnicas necesarias para mellorar os procedementos de calidade do traballo no proceso de aprendizaxe e no sector produtivo de referencia.
25. Utilizar procedementos relacionados coa cultura emprendedora, empresarial e de iniciativa profesional, para realizar a xestión básica dunha pequena empresa ou emprender un traballo.
26. Recoñecer os seus dereitos e deberes como axente activo na sociedade, tendo en conta o marco legal que regula as condicións sociais e laborais, para participar na cidadanía democrática.
27. Analizar e valorar a participación, o respecto, a tolerancia e a igualdade de oportunidades, para desenvolver os valores do principio de igualdade de trato e non discriminación entre homes e mulleres nin por ningunha outra condición nin circunstancia persoal nin social, así como a prevención da violencia de xénero e o coñecemento da realidade homosexual, transexual, transxénero e intersexual.
← Volver