As competencias profesionais, persoais e sociais deste título son as que se rela cionan a seguir:

1. Tramitar documentos e comunicacións internas ou externas nos circuítos de información da empresa.

2. Elaborar documentos e comunicacións a partir de ordes recibidas ou de in formación obtida.

3. Clasificar, rexistrar e arquivar comunicacións e documentos segundo as técni cas apropiadas e os parámetros establecidos na empresa.

4. Rexistrar contablemente a documentación soporte correspondente á operativa da empresa, en condicións de seguridade e calidade.

5. Realizar xestións administrativas de tesouraría, seguindo as normas e os pro tocolos establecidos pola xerencia, co fin de manter a liquidez da organización.

6. Efectuar as xestións administrativas das áreas de selección e formación dos recursos humanos da empresa, axustándose á normativa e á política empresarial, baixo a supervisión da persoa responsable do departamento.

7. Prestar apoio administrativo na área de xestión laboral da empresa, axustán dose á normativa e baixo a supervisión da persoa responsable do departamento.

8. Realizar as xestións administrativas da actividade comercial e rexistrar a do cumentación de soporte correspondente a determinadas obrigas fiscais derivadas.

9. Desempeñar as actividades de atención á clientela ou ás persoas usuarias no ámbito administrativo e comercial, asegurando os niveis de calidade establecidos e relacionados coa imaxe da empresa ou da institución.

10. Aplicar os protocolos de seguridade laboral e ambiental, de hixiene e de cali dade durante todo o proceso produtivo, para evitar danos nas persoas e no medio.

11. Cumprir os obxectivos da produción, actuando conforme os principios de res ponsabilidade e mantendo unhas relacións profesionais axeitadas cos membros do equipo de traballo.

12. Resolver problemas e tomar decisións individuais seguindo as normas e os procedementos establecidos, definidos dentro do ámbito da súa competencia.

13. Manter o espírito de innovación, de mellora dos procesos de produción e de actualización de coñecementos no ámbito do seu traballo.

14. Exercer os dereitos e cumprir as obrigas derivadas das relacións laborais, de acordo co establecido na lexislación.

15. Detectar e analizar oportunidades de emprego e autoemprego desenvolvendo unha cultura emprendedora e adaptándose a diferentes postos de traballo e a no vas situacións.

16. Participar de xeito activo na vida económica, social e cultural, cunha actitude crítica e responsable.

17. Participar nas actividades da empresa con respecto e con actitude de tolerancia.

18. Adaptarse a diferentes postos de traballo e a novas situacións laborais orixi nadas por cambios tecnolóxicos e organizativos nos procesos produtivos.

19. Participar no traballo en equipo respectando a xerarquía definida na organiza ción.

Os obxectivos xerais deste ciclo formativo son os seguintes:

1. Analizar o fluxo de información, así como a tipoloxía e a finalidade dos docu mentos e das comunicacións que se utilizan na empresa, para a súa tramitación.

2. Analizar os documentos e as comunicacións que se utilizan na empresa, e re coñecer a súa estrutura, os seus elementos e as súas características, para a súa elaboración.

3. Identificar e seleccionar as expresións en lingua inglesa propias da empresa, para elaborar documentos e comunicacións.

4. Analizar as posibilidades das aplicacións e dos equipamentos informáticos en relación coa eficacia do seu emprego no tratamento da información, para elaborar documentos e comunicacións.

5. Realizar documentos e comunicacións no formato característico e coas condi cións de calidade correspondentes, aplicando as técnicas de tratamento da infor mación.

6. Analizar e elixir as técnicas e os sistemas de preservación de comunicacións e documentos adecuados a cada caso, e aplicalos de xeito manual e informático pa ra a súa clasificación, o seu rexistro e o seu arquivo.

7. Interpretar a normativa e a metodoloxía contable, analizando a problemática contable que poida darse nunha empresa, así como a documentación asociada para o seu rexistro.

8. Introducir asentamentos contables manualmente e en aplicacións informáticas específicas, consonte a normativa, para rexistrar contablemente a documentación.

9. Comparar e avaliar os elementos que interveñen na xestión da tesouraría, os produtos e os servizos financeiros básicos, e os documentos relacionados con eles, comprobando as necesidades de liquidez e de financiamento da empresa pa ra realizar as xestións administrativas relacionadas.

10. Efectuar cálculos básicos de produtos e servizos financeiros, empregando principios de matemática financeira elemental, para realizar as xestións administra tivas de tesouraría.

11. Recoñecer a normativa legal aplicable, as técnicas de xestión asociadas e as funcións do departamento de recursos humanos, e analizar a problemática laboral que poida darse nunha empresa e a documentación relacionada para realizar a xestión administrativa dos recursos humanos.

12. Identificar e preparar a documentación salientable e as actuacións que cumpra desenvolver, interpretando a política da empresa, para efectuar as xestións admi nistrativas das áreas de selección e formación dos recursos humanos.

13. Formalizar documentación e preparar informes consultando a normativa e as vías de acceso á Administración pública (internet, oficinas de atención ao público, etc.) e empregando, de ser o caso, aplicacións informáticas específicas, para pres tar apoio administrativo na área de xestión laboral da empresa.

14. Seleccionar datos e formalizar documentos derivados da área comercial, in terpretando normas mercantís e fiscais, para realizar as xestións administrativas correspondentes.

15. Transmitir comunicacións de xeito oral, telemático ou escrito, adecuadas a cada caso e analizando os protocolos de calidade e imaxe empresarial ou institu cional, para desempeñar as actividades de atención á clientela ou ás persoas usuarias.

16. Identificar as normas de calidade e de seguridade, así como as de prevención de riscos laborais e ambientais, e recoñecer os factores de risco e os parámetros de calidade, para aplicar os protocolos correspondentes no desenvolvemento do traballo.

17. Recoñecer as principais aplicacións informáticas de xestión para o seu uso habitual no desempeño da actividade administrativa.

18. Valorar as actividades de traballo nun proceso produtivo, e identificar a súa achega ao proceso global para conseguir os obxectivos da produción.

19. Valorar a diversidade de opinións como fonte de enriquecemento, recoñecen do outras prácticas, ideas ou crenzas, para resolver problemas e tomar decisións.

20. Recoñecer e identificar posibilidades de mellora profesional, reunindo infor mación e adquirindo coñecementos para a innovación e a actualización no ámbito do seu traballo.

21. Recoñecer os dereitos e os deberes como axente activo na sociedade, anali zando o marco legal que regula as condicións sociais e laborais, para participar na cidadanía democrática.

22. Recoñecer e identificar as posibilidades de negocio, analizando o mercado e estudando a viabilidade empresarial para a xeración do seu propio emprego.

23. Analizar e valorar a participación, o respecto, a tolerancia e a igualdade de oportunidades, para facer efectivo o principio de igualdade entre homes e mulleres.

1. O título de técnico en xestión administrativa permite o acceso directo para cursar calquera outro ciclo formativo de grao medio, nas condicións de acceso que se establezan.

2. O título de técnico en xestión administrativa permite o acceso directo para cursar calquera outro ciclo formativo de grao superior, nas condicións de acceso que se establezan.

3. Este título permitirá o acceso a calquera das modalidades de bacharelato, de acordo co disposto no artigo 44.1 da Lei orgánica 2/2006, do 3 de maio, de educa ción, e no artigo 16.3 do Real decreto 1538/2006, do 15 de decembro.

Requisitos de acceso ciclos de grao medio

Para poder cursar estudos de ciclos formativos de grao medio, o alumnado debe cumprir algún dos requisitos seguintes:

• Posuír o título de graduado en educación secundaria.

• Posuír o título de técnico dun ciclo formativo de grao medio de formación profesional.

• Posuír o título de técnico auxiliar.

• Posuír unha titulación universitaria ou equivalente, para efectos académicos.

• Ter aprobado o segundo curso de bacharelato unificado polivalente (BUP) ou ter un máximo de dúas materias pendentes no conxunto dos dous primeiros cursos.

• Ter superado o segundo curso do primeiro ciclo experimental da reforma das ensinanzas medias (REM).

• Ter superado o terceiro curso do plan de 1963 das ensinanzas de artes aplicadas e oficios artísticos.

• Ter superados outros estudos declarados equivalentes, para efectos académicos, con algúns dos anteriores.

• Ter superada a proba de acceso á universidade para maiores de 25 anos.

• Ter superada a proba de acceso a ciclos formativos.

De non cumprir ningún dos requisitos anteriores é posible acceder a un ciclo de grao medio superando as probas de acceso que as administracións educativas organizan todos os anos. Para iso é preciso cumprir dezasete anos ou cumprilos no ano natural de celebración da proba.

• Habilidades comunicativas en lingua estranxeira (GM) (60 h)

• Afondamento nas competencias profesionais (GM) (30 h)

• Inglés profesional (60 h). +info

• Operacións administrativas da compravenda (133h). +info

• Tratamento informático da información (247 h). +info

• Técnica contable (133 h). +info

• Operacións auxiliares de xestión de tesouraría (160 h). +info

• Sostibilidade aplicada ao sistema produtivo (30 h). +info

• Itinerario persoal para a empregabilidade I (107 h). +info

Total: 960 h

• Comunicación empresarial e atención á clientela (166 h). +info

• Empresa e Administración (193 h). +info

• Operacións administrativas de recursos humanos (193 h). +info

• Tratamento da document. contable (165 h). +info

• Empresa na aula (193 h). +info

• Dixitalización aplicada aos sectores produtivos (GM) (30 h)

• Itinerario persoal para a empregabilidade II (50 h)

• Proxecto intermodular (GM) (50 h).

Total: 1040 h