Este luns 27, o alumnado do centro participou nunha charla informativa sobre o acoso escolar impartida por axentes da Policía Nacional. A actividade tivo como obxectivo concienciar ao alumnado sobre a importancia de previr, detectar e actuar ante situacións de acoso.

Durante a sesión, os axentes explicaron que se entende por acoso escolar, como identificar as súas diferentes formas —incluído o ciberacoso— e cales son as consecuencias tanto para as vítimas como para as persoas agresoras. Ademais, ofreceron pautas claras sobre como actuar no caso de presenciar ou sufrir este tipo de situacións.

O alumnado mostrou moito interese e participou de maneira activa, formulando preguntas e compartindo reflexións. Este tipo de iniciativas contribúen a promover valores como o respecto, a convivencia e o uso responsable das tecnoloxías.